АНУ-ын нийслэлд 12 дугаар сарын 19-нд Газын зурваст гал зогсоохыг шаардсан эсэргүүцлийн жагсаал болжээ. Энэ үеэр цагдаагийнхан 60 хүнийг баривчилсан гэж Фокс ньюс мэдээлсэн байна. 

Эх сурвалжийн мэдээлснээр, эсэргүүцлийн жагсаал Капитолийн гадаа болсон бөгөөд жагсаал хийх зөвшөөрөл аваагүй байсан гэнэ. Эсэргүүцлийн жагсаалын үеэр зарим оролцогчид "Израилыг зэвсэглэхээ боль!" гэсэн бичигтэй зурагт хуудас барьж,  "Израилын гэмт хэрэгт зориулах сохор зоос, цаг хугацаа, мөнгө алга" хэмээн хашгиралдаж байжээ. Мөн Капитолийн ордон руу халдсаны улмаас 60 хүнийг баривчилжээ.

Палестиныг дэмжих жагсаал Барууны орнуудад байнга гарч байгаа юм. Израил, Палестины хооронд дайн эхэлсэн 10 дугаар сард мөн л Капитолийн гадаа жагсаал болж, 10 мянга гаруй хүн оролцож байлаа. Тухайн үед мөн л Капитолийн ордон руу 500 орчим хүн халдан орж, улмаар цагдаагийнханд баривчлагдаж байв.

Г.Бямбасүрэн