Өмнөд Солонгосын контентууд улам л эрчээ авч, орон орны үзэгчдийг байлдан дагуулсаар байна. Тэр тусмаа өнгөрөгч онд нээлтээ хийсэн Netflix-ийн “Single’s Inferno” реалити шоу олны дунд шуугиан дэгдээж, үзэлт нь өдөр ирэх тусам өссөөр байгаа билээ. 

Хэдийн гарсан даруйдаа үзэгчдийн дунд шуугиан тарьдаг "Single Inferno" шоуны гуравдугаар улирал ирэх 12 сарын 12-нд нээлтээ хийх болсон талаар Netflix мэдээллээ. 

"Netflix"-ийн шилдэг реалити шоу болох "Single's Inferno" шоуны эхний хоёр улирал дэлхий нийтийн анхаарлыг татсан. Ганц бие халуухан охид, залуус там хэмээн нэрлэгдсэн арал дээр амьдарч хайраа олох ёстой. Нэгнээ сонгосон хосууд диваажинд нэг шөнийг хамт өнгөрүүлэх боломжтой болох бөгөөд оролцогчдын санаанд оромгүй үйлдлүүд уг шоуг үзэх гол шалтгаан болдог. 

Гуравдугаар улирал өмнөх хоёр улирлаас илүү диваажин, тамын тухай ойлголтыг онцлон харуулах болно гэдгийг продакшны багийнхан онцолж байна. Тэд мөн оролцогчдод дагаж мөрдөх олон шинэ дүрмийг танилцуулах аж. 

Мөн шинэ улирлын хөтлөгчдөөр хоёрдугаар улиралд өрсөлдсөн Декс, Hong Jin Kyung, Kyuhyun, Hanhae, and Lee Da Hee нартай хөтлөх гэнэ.