НИТХ-ын ээлжит бус XVI хуралдаан үргэлжилж байна. Төлөөлөгч Н.Батсүмбэрэл “Ард” кинотеатрын барилгыг нураахаар цэцэрлэг рүү тулгаж хашаа хатгасан нөхцөл байдалтай байна. Удаа дараа шаардлага тавьсан ч шийдэгдэхгүй байгаа энэ асуудал ямар учиртай юм бэ” гэсэн асуултыг тавилаа.

Түүний асуултад Нийслэлийн ерөнхий архитектор Ц.Тулга “Ард кинотеатрыг өмч хувьчлалаар “Од” ХХК-д шилжүүлсэн байдаг. Тухайн байршилд контор үйлчилгээний зориулалттай барилга барихаар архитектур, төлөвлөлтийн даалгавар, загвар зураг 2015 онд батлагдсан байсан. Гэвч иргэдийн эсэргүүцэлтэй тулгарч, шүүхээр ороход барилгыг эзэмшигч шинээр барилга барихгүй гэснээр загвар зураг хүчингүй болсон.

"Од" ХХК-иас 2022 онд дахин хүсэлт ирүүлж, 26 давхар худалдаа, нийтийн үйлчилгээний төв цогцолбор гэсэн зориулалттай архитектур төлөвлөлтийн даалгавар, загвар зураг батлуулсан. Одоогоор барилгын ажил эхлүүлэх, үргэлжлүүлэх зөвшөөрөл олгогдоогүй байгаа" гэсэн хариултыг өглөө.