Үүрэн телефоны "Юнител" компани иргэн Н.Мэндбилэгийн гомдолд хууль бус хариу үйлдэл гаргаж, олон нийтийн эрхэд халдсан болон хүний эрх зөрчигдсөн ноцтой баримтуудын талаар мэдээлэл өглөө. 

Иргэн Н.Мэндбилэг

Би өмнө нь Юнител компани болон Ерөнхийлөгчтэй холбоотой олон нийтийн эрхэд халдсан болон хүний эрх зөрчигдсөн ноцтой баримтуудыг хэвлэлд дэлгэсэн. Гэтэл хэдхэн хоногийн өмнө бүх мэдээлэл минь устгагдсан байна. Хэргийг сануулахад, 

"2023 оны 7-р сарын 19-нд Ерөнхийлөгч У.Хүрэлсүхийн талаар хошигносон мим пост өөрийн фейсбүүк хуудсандаа оруулсан. Гэтэл наймдугаар сарын эхээр огцом хандалт аваад, маш их шэйрлэгдсэн. Би юнителийн дугаар дээрээ фэйсбүүк үүсгэсэн. Миний дугаар надад байсаар байтал давхар миний дугаарыг ашиглаж, фэйсбүүк рүү минь нэвтэрсэн. Миний мэйлийг сольж, хаягийг минь булааж авч устгасан. Хамгийн гол нь Ерөнхийлөгчийг шоглосон постыг устгасан. Уг асуудлаар Юнител компанид хүсэлт гаргасан. Хариу нь манай талаас таны дугаарыг зөвшөөрөлгүй бусдад дамжуулан болон фейсбүүкийн нууц кодыг солих үйлдэл огт хийгээгүй, та энэ хариултанд эргэлзсэн тохиолдолд төрийн болон бусад хяналтын байгууллагаар шалгуулах эрх нээлттэй бөгөөд бодит байдлыг буруугаар ойлгож, үндэслэлгүйгээр мэдээллийн хэрэгсэл, сошиал сувгаар нотолгоогүй худал мэдээлэл түгээхгүй байхад анхаарна уу гэж ирсэн. 

Ийн мэдээлэл өгсөн Юнител компани миний  хэвлэлд өгсөн ярилцлага, мэдээллийг хэдхэн хоногийн өмнө бүгдийг нь устгасан байгаа нь дээрх өгсөн мэдээллээсээ няцаж байна хэмээн хардаж байна. Энэ жижиг асуудал биш ээ. Ялангуяа сонгууль дөхөж байгаа учраас энэ бол төрийн эрхийг хууль бусаар авахад шууд оролцох боломж." гэв.