Говь-Алтай аймаг энэ жил 100 жилийн ойгоо тэмдэглэн өнгөрүүлнэ. Уг ойн арга хэмжээг угтан хэд хэдэн ажил хийж байгаагийн нэг нь бүх сумдад  нийтийн эзэмшлийн бие засах байгууламж барих юм. 

Энэ дагуу өчигдөр аймгийн төв Есөнбулаг сум болон Баянтоорой тосгон, Бигэр сум, Баян-Уул сум , Бугат сум, Дэлгэр сум,  Жаргалан сум, Тайшир сум, Алтай сум, Гуулин тосгон, Эрдэнэ сум, Шарга сум, Чандмань сум, Цогт сум, Цээл сум, Хөхморьт сум, Халиун сум, Төгрөг сум, Тонхил сум зэрэг 18 суманд  нийтийн эзэмшлийн бие засах байгууламж барихаар болсон байна. 

 Нийтийн эзэмшлийн бие засах байгууламж барихад нэг сум 25 сая төгрөг зарцуулах бөгөөд нийт 475 сая төгрөгийг зарцуулах юм. Орон нутгийн хөрөнгөөр хийгдэж буй энэхүү ажлын тендер өчигдөр нэгэн зэрэг https://www.tender.gov.mn/ сайтад байршжээ. Ингэхдээ нийтийн эзэмшлийн бие засах байгууламжийг барих тооцоо төлөвлөгөө байхгүй, тендерийн баримт бичиг байхгүй байна.