Францын нийслэл Парис хотын дагуул хот болох Нантерд өсвөр насны хүүг цагдаагийнхан хөнөөсний дараа эмх замбараагүй байдал дэгджээ. Энэ талаар Францын хэвлэлүүд мэдээлсэн байна. 

Le Monde сонины мээдэлснээр, зургадугаар сарын 27-ны өглөө 17 настай хүү хоёр зорчигчтойгоор машин жолоодон явж байх үед цагдаагийн алба хаагч машинаа зогсоохыг шаарджээ. Өсвөр насны хүү цагдаагийн шаардлага биелүүлээгүй тул цагдаагийн ажилтан түүн рүү  буудсан аж. Хүү өмнө нь жолооны эрхгүйгээр машин жолоодож, цагдаагийн алба хаагчийн шаардлагыг биелүүлээгүй тохиолдол бүртгэгдэж байсан гэнэ. 

Энэ хэргийн дараа өсвөр насны хүүг буудсан цагдаагийн алба хаагчийг "санаатайгаар хүний амь хөнөөсөн" хэрэгт сэжиглэн баривчилсан байна. Улмаар зургадугаар сарын 27-ны үдэш Нантер хотод цагдаагийн газрын гадаа эсэргүүцлийн жагсаал болж, улмаар эмх замбараагүй байдал дэгджээ. Эсэргүүцэгчдийн зарим нь хашлага, хогийн сав шатааж, автобусны буудлыг эвдэлж, цагдаагийнхан руу элдэв зүйл шидсэн байна. Үүний хариуд цагдаагийнхан нулимс асгаруулагч хийж ашиглажээ. Энэ үймээний үеэр долоон хүн баривчлагдсан аж. 

Г.Бямбасүрэн