Италийн Кьожийн дунд сургуульд ажилд орсноосоо хойш 24 жилийн хугацааны 20 жилд нь ажлаа тасалсан багш эмэгтэйг ажлаас нь халжээ. Харин халагдсан багш шүүхэд зарга мэдүүлсэн талаар  NewsItaly24 мэдээлсэн байна.

Энэ хугацаанд тэрбээр ердөө дөрвөн жилийн туршид түүх, гүн ухааны хичээл заажээ. Ажлынхаа эхний 10 жилд ажилдаа огт ирээгүй бол дараагийн 14 жилд нь байнга эмнэлгийн чөлөөтэй байсан гэнэ. Гэхдээ хүндэтгэн үзэх шалтгаангүйгээр 10 жилийн туршид ажлаа хэрхэн тасалж байсан талаарх дэлгэрэнгүй мэдээлэл гараагүй байна.

Ингээд багш эмэгтэй ердөө дөрвөн жил ажилласан бөгөөд гэхдээ ийнхүү ажиллахдаа ч байнга ажлаа тасалдаг байсан гэнэ. Хичээлд ирсэн ч хичээл заах бэлтгэлгүй байдаг гэж сурагчид гомдол гаргасан байна. Италийн Боловсролын яам шалгалт хийсний дараа 2015 оноос энэ багшийг халахыг сургуулийн захиргаанаас шаарджээ. Харин ажлаас нь халсныг эсэргүүцсэн багш эмэгтэй шүүхэд нэхэмжлэл гаргасан гэнэ. 

Г.Бямбасүрэн