Канадад гарсан ойн түймрийн утаа Атлантын далайг дээгүүр өнгөрч, Ирланд, Их Британид хүрчээ. Цаг уурчдын мэдээлснээр, Зүүн Европын хиймэл дагуулын зургууд дээр бараан толбо тод харагдаж байгаа бөгөөд эдгээр утаа нь газраас харагдахгүй, агаар мандалд өндөрт байгаа гэнэ. Энэ талаарх мэдээллийг ВВС агентлаг дамжуулжээ. 

Канадад одоогоор түймрийн 420 голомт асаж байгаагийн 210-ыг нь өнөө хэр нь цурманд оруулж чадаагүй байна. Ихэнх гал Альберт, Британийн Колумби, Квебек, Онтарио мужуудад гарсан аж. 2023 он гарсаар энэ улсын зургаан сая га газар ойн түймэрт автжээ.

Канадад тавдугаар сарын сүүлээр тус улсын шинэ үеийн түүхэн дэх хамгийн их нүүлгэн шилжүүлэлтийг хийж, ойн түймрийн улмаас 18 мянган хүнийг нүүлгэж байлаа. Харин зургадугаар сарын эхээр 30 мянган хүнийг байгалийн гамшгийн бүсээс нүүлгэж байв. Энэ үед Канадын түймрийн утаа  Нью-Йоркийг бүрэж байсан юм.

Г.Бямбасүрэн