Австралийн Засгийн газар Украинд ээлжит тусламжийнхаа хүрээнд 110 сая австрали доллар буюу 73,5 сая ам.долларын цэргийн тусламж үзүүлэхээр болжээ. Энэ талаар тус улсын Ерөнхий сайд Энтони Альбанезе мэдэгдсэнийг Ройтерс дамжууллаа.

Австралийн ээлжит тусламжийн мөнгийг зэр зэвсэг, цэргийн тээврийн хэрэгсэл худалдан авахад зарцуулах аж. Тэр дундаа, М113 хуягт машин 28 нэгж, тусгай зориулалтын 14 машин, MAN 40M дунд оврын ачааны тэрэг 28, 105 мм артиллерийн сум худалдан авахад энэ мөнгийг зарцуулах бол дахин 10 сая ам.долларыг Украины иргэдэд хүмүүнлэгийн тусламж үзүүлэх зорилгоор НҮБ-д шилжүүлэх юм байна. 

Австрали улс 2022 оны гуравдугаар сараас эхлэн Украин руу Bushmaster машин 90, M777 гаубиц зургааг, М113 хуягт машин 28-ыг илгээсэн юм. Мөн өнгөрсөн оны долдугаар сард 74 сая ам.долларын тусламж үзүүлж байв.

Г.Бямбасүрэн