Оросын төмөр замд ажилладаг нэгэн эрийг Украины зэвсэгт хүчнийг санхүүжүүлсэн хэрэгт сэжиглэн баривчилжээ. Энэ талаар BAZA мэдээлсэн байна. 

Эх сурвалжийн мэдээлснээр, ОХУ-ын Амур мужид төрөөс урвасан хэрэгт сэжиглэгдэн Оросын төмөр замын машинч Остап Демчук баривчлагджээ. Түүнийг 2022 оны есдүгээр сараас 2023 оны нэгдүгээр сарын хооронд Украины Зэвсэгт хүчний хэрэгцээнд зориулан мөнгө шилжүүлж байсан хэмээн буруутгаж байгаа аж. Оросын Төмөр замын Амур ын салбарт ажилладаг Демчукийг зургадугаар сарын 14-ний өдөр баривчилжээ. Түүний гэм буруутай нь батлагдвал бүх насаар нь шийтгэх хүртэл ял оноох гэнэ.

Энд дуулгахад, хүний эрхийг хамгаалагчдын онцолж байгаагаар, төрөөс урвасан гэх заалтаар үүсгэсэн эрүүгийн хэргийн тоо Орост сүүлийн үед эрс өссөн байна. 2022 онд энэ төрлийн 22 хэрэг нээсэн нь шинэ үеийн түүхэн дэх хамгийн дээд үзүүлэлт болсон бол энэ онд ердөө эхний зургаан сарын байдлаар 20 гаруй хэрэг нээжээ. 

Г.Бямбасүрэн