Беларусьт Ми-24 цэргийн нисдэг тэрэг сүйрчээ. Энэ нь Оросын нисдэг тэрэг байж болзошгүй гэж Беларусийн хараат бус мэдээллийн хэрэгслүүд мэдээлсэн байна. Харин Беларусийн эрх  баригчид нисдэг тэрэгний нисгэгчид амьд үлдсэн хэмээн мэдээлжээ.

Пүрэв гарагийн өглөө Беларусийн Батлан хамгаалах яам мэдээлэхдээ, Брест мужид Ми-24 цэргийн нисдэг тэрэг "хатуу буулт" хийсэн хэмээсэн байна. Экипажийн бүрэлдэхүүн гэмтсэн хэмээн мэдээлэлд өгүүлжээ. Харин осол гарах болсон шалтгааны талаар мэдээлэл өгөөгүй байна.

"Беларускі гаюн" сонины мэдээлснээр,  осолдсон Ми-24 нисдэг тэрэг Оросын Агаарын хүчнийх байжээ. Энэ нисдэг тэрэг ойролцоох буудлаас ниссэн бөгөөд М1 Брест-Минск замын ойролцоо унасан байна. Олон нийтийн сүлжээнд тархсан зургуудаас харахад, Орос Украины эсрэг дайнд ашигладаг Z үсэг нисдэг тэрэгний бөөрөн дээр харагдах аж. 

Харин энэ нисдэг тэрэг аль улсын Зэвсэгт хүчинд хамааралтай гэдгийг ч Беларусийн тал мэдээлээгүй аж. Эрх чөлөө радиогийн мэдээлснээр, Беларусийн Агаарын цэргийн хүчин энэ төрлийн хэд хэдэн нисдэг тэрэгтэй ч тэдгээр нь Берст мужид байрладаггүй гэнэ.

Г.Бямбасүрэн