Оросын хийг Европ руу хүргэдэг хий дамжуулалтын гэрээ ирэх оны сүүлээр дуусна. Энэ гэрээг сунгах талаар хоёр тал тохиролцоно гэдэг нь магадлал багатай гэж Украины Эрчим хүчний сайд Герман Галущенко  мэдэгджээ.

Түүний өгүүлснээр, Украин улс нийлүүлэлтийг багасгахад бэлтгэж байгаа гэнэ. Европын орнууд ч эрэлтээ бууруулж, орлуулах эх үүсвэрийг хайх замаар нөхцөл байдалд дасан зохицож байсан тул цаашид хий дамжуулалтыг сааруулахад бэлэн байгаа гэж Галущенко үзэж байгаа аж.

Financial Times сонины мэдээлснээр, Европын орнуудын хийн импортын таван хувь нь Украинаар дамжин ирдэг аж. Тодруулбал, Австри улс Украинаар дамжих Оросын хийн хоолойноос хийн хэрэгцээний тал орчим хувь, Словак 95 хувийг хангадаг юм байна.

Г.Бямбасүрэн