АНУ-ын Ерөнхийлөгч Жо Байдены хүү Хантер Байден долдугаар сарын 26-ны өдөр Делавэр мужийн шүүхээр орохоор болжээ. Энэ талаар Ройтерс агентлаг мэдээлсэн байна.

Хантер Байденыг татварын зөрчил гаргасан болон зэвсэг хадгалах журмыг зөрчсөн хэмээн буруутгаж байсан бөгөөд тэрбээр мягмар гарагт гэм буруугаа хүлээн зөвшөөрсөн юм.

Хантер Байден зэвсэг хадгалах журмыг зөрчсөн гэх хэргийг 2018 оноос шалгаж эхэлсэн. Тухайн үед тэрбээр Colt Cobra буутай байсны дээр хар тамхи хэрэглэж байсан гэх мэдээлэл гарсны дараа энэ хэргийг шалгаж эхэлжээ. учир нь Америкийн хуулиар хар тамхи хэрэглэдэг, эсвэл хадгалдаг хүмүүсийг зэвсэг эзэмших, хадгалахыг хориглодог аж.

Г.Бямбасүрэн