Латви улс өөрт байгаа бүх нисдэг тэргийг Украинд шилжүүлэхээр шийдсэн гэж Латвийн Ерөнхий сайд Кришьянис Кариньш Лондон хотноо болсон Украиныг сэргээн босгох бага хурлын үеэр мэдэгджээ. 

"Манайд нисдэг тэрэгний парк бий. Энэ бүх нисдэг тэргийг бид Украин руу илгээнэ. Одоо сүүлчийн нисдэг тэргүүдийг ашиглахад тохиромжтой, өнгө зүс сайтай байлгахын тулд будаж байгаа" хэмээн Кришьянис Кариньш мэдэгджээ. Гэхдээ Латвид чухам хичнээн нисдэг тэрэг байдаг талаар тэрбээр тодорхой мэдээлээгүй байна. 

Латви улс өмнө нь өөрт байсан бүх Стингер пуужинг Украин руу илгээж байлаа. Түүнчлэн дайн эхэлснээс хойш Латви улс ДНБ-ийнхээ 1,3 хувийг Украинд үзүүлэх тусламжид зарцуулжээ. Мөн энэ улс Украины цэргүүдийг сургадаг бөгөөд 2023 онд гэхэд л 3000 цэргийн алба хаагч Латвид сургалтад хамрагджээ. 

Г.Бямбасүрэн