УИХ-ын дарга Г.Занданшатар ОХУ-д хийсэн айчлалынхаа үеэр "Роснефть"-ийн ерөнхий гүйцэтгэх захирал Игорь Сечинтэй уулзаж, хоёр орны эрчим хүчний цогц хамтын ажиллагааны хөгжлийн талаар хэлэлцсэн гэж Интерфакс мэдээлжээ. Тэр дундаа, газрын тосны бүтээгдэхүүн болон газрын тос Монгол руу нийлүүлэх асуудал, Улаанбаатарын эрчим хүчний үүсгүүрийн хүчин чадлын шинэчлэлтийг хэлэлцсэн байна. 

Мөн энэ уулзалтын үеэр нийлүүлэлтийг найдвартай, тасралтгүй хийх асуудлыг чухалчлан хэлэлцжээ. Ингээд талууд өмнө нь гарсан болон цаашид гарч болзошгүй давагдашгүй хүчин зүйлийн нөхцөл байдал үүссэн нөхцөлд нөхөн төлбөрийн арга хэмжээ авч хэрэгжүүлэх талаар тохиролцсон байна.

"Тэр дундаа Монгол Улсын нутаг дэвсгэр дээрх төмөр замын асуудлаас үүдэн энэ оны зургадугаар сард дутуу нийлүүлсэн газрын тосны бүтээгдэхүүнийг нөхөж нийлүүлэх асуудлыг хэлэлцсэн. Ингээд энэ дутуу нийлүүлсэн бүтээгдэхүүнийг ойрын саруудад нөхөж нийлүүлэхээр тохиролцсон" гэж Роснефтийн хэвлэлийн мэдээнд өгүүлжээ. Мөн Ангарскийн газрын тос боловсруулах групп төлөвлөгөөт засварт орох гэж байгаатай холбоотойгоор Роснефть Монгол руу нийлүүлэх бүтээгдэхүүний хэмжээгээ ойрын саруудад нэмэгдүүлэхээр тохиролцсон байна. 

Энд дуулгахад, "Роснефть" нь 2005 оноос Монголын зах зээлд нэвтэрсэн, энэ хугацаанд 13,7 сая тонн газрын тосны бүтээгдэхүүнийг манай улс руу нийлүүлжээ.

Г.Бямбасүрэн