Финландын гоо бүсгүй шалгаруулах тэмцээнд энэ жил трансжендер оролцохоор болжээ. The Mirror сонины мэдээлснээр, төрөхдөө эрэгтэй төрж, улмаар хүйсээ солиулсан 25 настай Рими Риутта тэмцээнд оролцохоор бүртгүүлсэн байна. 

Рими одоогоос зургаан жилийн өмнөөс хүйсээ солиулахаар шийдэн, гормон уух болжээ. Ингээд хүйсээ солиулсан тэрбээр трансжендерүүдийн эрхийг хамгаалахын төлөө тэмцдэг идэвхтэн болсон байна. Тиймдээ ч цөөнхүүдийн эрхийг хамгаалахын тулд энэ тэмцээнд оролцохоор шийдсэн гэнэ.

"Бид бусдад үлгэр жишээ болохын тулд анхдагч болох ёстой учир энэ тэмцээнд оролцсон анхны трансжендер хүн болж эрсдэл гаргахаар шийдсэн" хэмээн Рими Риутта ярьжээ.

Энд дуулгахад, Финланд улс хүйс солих тал дээр харьцангуй зөөлөн журамтайд тооцогддог. Хүйсээ солихыг хүссэн хүн бүр гормоны эмчилгээнд орохыг энэ жил зөвшөөрсөн байна. Өмнө нь хүйсээ солиулахын тулд сэтгэцийн эмчийн дүгнэлт зайлшгүй гаргуулдаг байсан гэнэ.

Г.Бямбасүрэн