Энэтхэгт хэт халуун өдрүүд үргэлжилж, зарим нутагт 43,5 хэм хүрч халжээ. Зарим бүс нутагт цахилгаан эрчим хүч байнга тасалдаж, улмаар хүмүүс ус, агааржуулагч, сэнсгүй нөхцөлд амьдарч байгаа нь нөхцөл байдлыг улам хүндрүүлж байгаа талаар Скай Ньюс мэдээлжээ. 

Эх сурвалжийн мэдээлснээр, сүүлийн хэдэн өдөрт хэт халууны улмаас Энэтхэгт 166 хүн амиа алдаж, олон зуун хүн эмнэлэгт хэвтэн эмчлүүлж байгаа гэнэ. Уттар Прадеш мужид агаарын хэм 43-ыг давж, сургуулиудын хичээлийг энэ сарын 24 хүртэл зогсоожээ.

Энэ мужийн томоохон эмнэлэг наранд цохиулсан өвчтөнүүдээр дүүрч, шарил хадгалах газар ч ачааллаа дийлэхгүй, хүмүүс ар гэрийнхнийхээ цогцосыг авахаар удаан хүлээж байгаа талаар эх сурвалж мэдээлсэн байна.

Г.Бямбасүрэн