Атлантын тэнгист шумбагч аппаратанд сууж тэнгисийн ёроол руу шумбасан жуулчдыг эрэн хайх ажлыг эхлүүлжээ. Жуулчдыг суулгасан шумбагч аппарат тэнгисийн ёроолд байх Титаник хөлөг онгоцыг үзэхээр далайн гүн рүү шумбасан ч холбоо тасарсан гэж АВС суваг мэдээлсэн байна. 

Эх сурвалжийн мэдээлснээр, шумбагч аппаратад таван хүн байсан аж. Тэдний дунд агаарын техникийн худалдааны компани эзэмшдэг Британийн тэрбумтан Хэмших Хардинг байсан гэнэ. Алга болсон шумбагч аппарат гурав хоногийн хүчилтөрөгчийн нөөцтэй гэнэ. Жуулчид суулгасан аппаратыг хайхаар онгоц болон бусад техникийг дайчилжээ.

Атлантын тэнгист Титаникийг үзүүлэх усан доорх аяллын үйлчилгээг жуулчдад санал болгодог  аж. Нэг хүн 250 мянган доллар төлөн аялалд хамрагдах  бөгөөд ингэснээр шумбагч аппаратаар 3750 метрийн гүн рүү шумбаж, Титаник онгоцыг үзэх боломжтой гэнэ.  

Г.Бямбасүрэн