Германы Ганновер хотод Дэлхийн хоёрдугаар дайны үеийн бөмбөг олдсоны улмаас хотын оршин суугчдыг нүүлгэн шилжүүлжээ. Энэ талаар ТАСС агентлаг мэдээлсэн байна. 

Эх сурвалжийн мэдээлснээр, дэлхийн II дайны үеийн, 500кг жинтэй бөмбөгийг Ганновер хотын Залькамп дүүргийн орон сууцны хорооллоос олжээ. Улмаар нүүлгэн шилжүүлэх ажлыг зургадугаар сарын 18-ны 09.00 цагт эхлүүлсэн байна. Ганновер хотод дайны үеийн бөмбөгийг аюулгүй болгохын тулд илэрсэн газраас нэг километрт оршин суух бүх хүн буюу нийт 8,1 мянган хүнаийг нүүлгэн шилжүүлжээ. 

Энд дуулгахад, Германд дэлхийн II дайны үеийн бөмбөг, дэлбэрээгүй үлдсэн төхөөрөмж олдох нь ховор биш. Энэ оны нэгдүгээр сард гэхэд л Фрайбург хотод дайны үеийн бөмбөг илэрч, аюулгүй болгохын тулд 4000 хүнийг нүүлгэн шилжүүлж байлаа.

Г.Бямбасүрэн