Британийн хувийн сансрын компани болох Skyrora 3D хэвлэлийн технологийн тусламжтайгаар бүтээгдсэн анхны пуужингийн хөдөлгүүрийг турших ажлаа эхлүүлжээ. Энэ талаар Sky News суваг мэдээлсэн байна. 

3D принтерээр хэвлэгдсэн хөдөлгүүрүүдийг цаашид сансарт хөөргөх зорилгоор туршиж байгаа аж. Загварыг Шотландын Мидлотиан тойрогт, зуны туршид долоо хоног бүр турших юм байна. Туршилт бүрийн үеэр хөдөлгүүр 250 секунд ажиллах бөгөөд тойрог замд гарахын тулд ийм хугацаа шаардлагатай байдаг юм. 

Дэлхийд анх удаа 3D принтерээр пуужингийн хөдөлгүүр хэвлэн гаргасан  Британийн хувийн сансрын компани болох Skyrora энэ төслөө хэрэгжүүлэхийн тулд Их Британи болон Европын холбооны сансрын агентлагуудаас санхүүжилт авсан гэнэ.

Г.Бямбасүрэн