Лондон хотын захиргаанд хүйс заасан үгс ашиглахыг хоригложээ
Их Британийн нийслэлийн захиргаа ажилтнууд дагаж мөрдөх ёстой шинэ дотоод журмыг гаргажээ. Энэ талаар AF агентлаг мэдээлсэн байна.
Эх сурвалжийн мэдээлснээр, энэ журмыг мөрдсөнөөр хотын захиргааны ажилтнууд хүмүүсийг "эрэгтэй", "эмэгтэй" гэж дуудаж болохгүй, харин "хүмүүс", "лондончууд" гэсэн үгс ашиглах ёстой болжээ. Түүнчлэн эмэгтэй хүн бүрт сарын тэмдэг байдаггүй гэдгийг журамд тусгаж, сарын тэмдэг ирсэн үед ариун цэврийн хэрэгслийн хүртээмж байхгүй талаарх асуудал хөндөгдвөл "сарын тэмдгийн ядууралд өртсөн хүмүүс" гэсэн үг ашиглаж, зарим транс эрчүүдэд ч сарын тэмдэг үзэгдэх боломжтой гэдгийг анхааруулжээ.
Мөн энэ шинэ журамд цагаачдын талаар ч тусгасан байна. Энэ журам хэрэгжсэн мөчөөс эхлэн цагаачдыг "хууль бус" гэж нэрлэж болохгүй, харин "баримт бичиггүй этгээдүүд", эсвэл "цагаачлалын найдвартай бус статустай этгээдүүд" хэмээн нэрлэх аж.
Г.Бямбасүрэн
СЭТГЭГДЭЛ БИЧИХ