ОХУ Украин руу халдаж, дайн өдөөснөө "цэргийн тусгай ажиллагаа" хэмээн нэрлэдэг. Улмаар энэ "цэргийн тусгай ажиллагаа"-ыхаа талаар сурагчид, оюутнуудад заах хөтөлбөрийг боловсруулсаар байгаа юм. 

Энэ удаад их дээд сургуулиудад "цэргийн тусгай ажиллагаа"-ы талаар заахаар болжээ. ТАСС агентлагийн мэдээлснээр, их дээд сургуулиудын түүхийн хичээлийн сурах бичигт Украин дахь цэргийн ажиллагааны тухай бүлэг багтаахаар ОХУ-ын Боловсрол, шинжлэх ухааны яам хөтөлбөр боловсруулж байгаа гэнэ. Шинэ агуулга бүхий сурах бичгийг ирэх хичээлийн жилд багтаан хэвлэх аж. 

Энд дуулгахад, ирэх хичээлийн жилээс Оросын их дээд сургуулиудад түүхийн хичээл заавал үзэх хичээлийн тоонд багтах бөгөөд энэ хичээлд 144 -өөс багагүй цаг зарцуулахаар болсон байна. Түүнчлэн ирэх хичээлийн жилээс 10-11 дүгээр ангийнханд цэргийн тусгай ажиллагааны тухай агуулга бүхий сурах бичгээр хичээл орох гэнэ.

Г.Бямбасүрэн