Украины цэргүүд сөрөх давшилтын явцад хүчтэй эсэргүүцэлтэй тулгарсан гэж Украины Ерөнхийлөгч Зеленский NBC News агентлагт өгсөн ярилцлагадаа өгүүлжээ. Тэрбээр сөрөх давшилт "ерөнхийдөө амжилттай", гэхдээ хүнд байгаа хэмээн өгүүлсэн байна. 

"Учир нь Оросын хувьд энэ давшилтад ялагдах нь дайнд ялагдсантай адил хэрэг" хэмээн үзэж байгаагаа Зеленский илэрхийлжээ. Тэрбээр сөрөх давшилтын талаар дэлгэрэнгүй мэдээлэл өгөхөөс татгалзсан байна. 

Украины сөрөх давшилт зургадугаар сарын эхээр эхэлсэн талаар барууны орнууд болон Украины тал мэдээлсэн. Улмаар Оросын Батлан хамгаалахын сайд Сергей Шойгу Украины зургадугаар сарын дөрөвний өдрөөс сөрөх давшилтад орсон гэж мэдээлж байлаа. Өчигдөр буюу зургадугаар сарын 15-ны пүрэв гарагт АНУ-ын Штабуудын дарга нарын нэгдсэн хорооны дарга Марк Милли мэдэгдэл хийхдээ Украины сөрөх давшилтын явцыг  "тун хүнд, ширүүн тулалдаан" хэмээн тодорхойлж байв. 

Г.Бямбасүрэн