УИХ-ын чуулганы нэгдсэн хуралдаан эхэллээ. Өнөөдрийн хуралдаанаар 14 асуудал хэлэлцэнэ. Хуралдааны эхэнд УИХ-ын гишүүн Б.Пүрэвдорж үг хэллээ.

Тэрбээр ахмадуудыг 2023.06.19-ний 12.00 цагт хийх жагсаалдаа оролцохыг уриаллаа. Энэ тухай "УИХ-ын чуулган завсарлахад нэгхэн сарын хугацаа байна. Тиймээс нийгмийн даатгалын багц хуулийг яаралтай хэлэлцэх зайлшгүй шаардлага гарч байна. Долоон жилийн дундажаар тэтгэвэр тогтоодог болсноос ахмадууд 150 мянган төгрөгөөр хохирдог байсан бол 07 дугаар сарын 01-нээс тэтгэвэр нэмэгдэхээр 250-300 мянган төгрөгөөр хохирдог болох нь. Тиймээс жагсаал хийнэ, ахмадууд ирж, оролцоорой" гэж уриаллаа. 

Үргэлжлүүлэн Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэж эхэллээ.