Сүүлийн үед Украинтай хил залгаа Оросын Белгород мужид удаа дараа буудалцаан, халдлага болж, үүнийг Оросын тал "украинчуудын хорлон сүйтгэх ажиллагаа" хэмээн нэрлэж байсан 

Хид орчмын нутагт нөхцөл байдал хүндэрсэн тул Белгород мужийн хил орчмын бүсүүдийг "Украины талын хорлон сүйтгэх ажиллагаанаас хамгаалах"-ын тулд Кадыров Чеченийн "Запад-Ахмат" батальоны дайчдыг илгээхээр болжээ. Тэрбээр энэ талаар Оросын Батлан хамгаалах яамтай хэлэлцэн тохиролцсон хэмээн мэдэгдсэнийг Коммерсант дамжуулсан байна. 

Украины талд байлдаж буй "Оросын сайн дурын корпус", "Оросын эрх чөлөө" бүлэглэлүүд Белгород мужийн нутаг руу шинээр дайралт хийж байгаа талаараа зургадугаар сарын эхээр мэдэгдсэний дараа Чечений тэргүүн Рамзан Кадыров чечень дайчдыг Белгород муж руу илгээх санал гаргаж байв. Тэрбээр бүлэглэлүүдийн дайчдыг "алан хядагчид" хэмээн нэрлээд, тэднийг устгахад байлдааны туршлага төдийгүй алан хядах ажиллагаатай тэмцэх дадал чадвар шаардлагатай, "запад-Ахмат" батальонд ийм туршлага бий хэмээн мэдэгдэж байлаа. 

Г.Бямбасүрэн