ШӨХТГ-аас цаг үеийн асуудлаар мэдээлэл хийлээ. Энэ үеэр ШӨХТГ-ын дарга мах гурилын нөөц бүрдүүлэлтэд шалгалт хийж байгаа талаар мэдээлэл өглөө. 

Тэрбээр "Шударга өрсөлдөөн хэрэглэгчийн төлөө газар бол ҮНИЙН зохицуулалт хийдэг газар биш. Үүнийг хэрэглэгчид ойлгох хэрэгтэй. Бидний зүгээс өрсөлдөөний тухай хууль болон Хэрэглэгчийн эрхийг хамгаалах хуулийн хүрээнд ажилладаг. 

ШӨХТГ-аас мах гурилын нөөц бүрдүүлэлтийн схем рүү шалгалт оруулж эхэлсэн. Уг шалгалт өргөн хэрэглээний барааны нөөц бүрдүүлэлтийн тогтолцоо зөв явж байгаа эсэхийг тогтоох зорилготой. Нөөц бүрдүүлэх тогтолцоо, урамшууллын хөтөлбөр үр дүнгээ өгч байгаа эсэх асуудлыг шалгана. Шалгалтын ажил дуусахаар дүгнэлт гаргаж, Засгийн газрын хуралдаанаас зөвлөмж гарах байх" гэлээ.