Хятадын Hainan Airlines агаарын тээврийн компани илүүдэл жинтэй онгоцны үйлчлэгчдийг ажлаас нь халахаар болжээ. Энэ талаар SCMP сонин мэдээлсэн байна. 

Эх сурвалжийн мэдээлснээр, Hainan Airlines компани шинэ журам нэвтрүүлж, эмэгтэй онгоцны үйлчлэгчдийг "өндрөөсөө 110-ыг хасаж стандарт жинтэй" байхыг шаардаж байгаа аж. Энэ журмыг мөрдөхгүй бол нислэгт гаргахгүй гэж мэдэгдсэн байна.

Өндрөөсөө 110-ыг хасаад гарсан жин нь "стандарт жин"-ээс таван хувиагр илүү бол турахад 30 хоногийн хугацаа өгөх гэнэ. Илүүдэл жин нь таван хувиас хэтэрсэн, гэхдээ 10 хувьд хүрэхгүй байгаа онгоцны үйлчлэгчид долоо хоног бүр шалгалт, үзлэгт хамрагдах аж. Харин илүүдэл жин нь 10 хувиас хэтэрч байгаа онгоцны үйлчлэгчид нислэгт гарахгүй бөгөөд тэднийг турах тусгай хөтөлбөрийг агаарын тээврийн компани боловсруулжээ.

Хятадад онгоцны үйлчлэгчийн жинд тавигдах тусгай стандарт байдаггүй ч биеийн жинтэй холбоотой "бичигдээгүй хууль" агаарын тээврийн компаниудад байдаг гэнэ. Энэ удаад "стандарт жин" шаардах болсон Hainan Airlines компани "мэргэжлийн дүр төрхийг хадгалах" зорилгоор шинэ журам тогтоосон хэмээн тайлбарлажээ. 

Г.Бямбасүрэн