Украины дайнд оролцсон дайчдад бүс нутгийн эрх баригчид үнэ төлбөргүйгээр газар олгохыг Оросын Ерөнхийлөгч Владимир Путин тушаажээ. Тэрбээр газар дээр нь зохих эрхзүйн акт үйлдэж, газар олгохыг үүрэгдсэн байна. 

The Moscow Times сонины мэдээлснээр, Москва, Санкт-Петербургээс бусад бүх бүс нутаг Украинд дайтсан хүмүүст газар олгох үүрэг хүлээжээ. Гэхдээ гагцхүү Оросын баатар цол хүртсэн эсвэл дайны үеэр гавьяаны одонгоор шагнуулсан цэргийн алба хаагч, сайн дурынхан болон Оросын гвардын алба хаагчид л үнэгүй газар өгөх гэнэ. 

Путиний тушааснаар, тухайн ахмад дайчны оршин суугаа газрын хаягаар буюу дайнд оролцоод ирснийхээ дараа тухайн хүн бүртгүүлсэн нутагт нь газар олгох юм байна. Харин Москва, Санкт-Петербург зэрэг үнэгүй газар олгох үүрэг хүлээгээгүй бүс нутгийн эрх баригчдыг цэргийн алба хаагчид нийгмийн хангамж дэмжлэг үзүүлэх өөр арга хэмжээ боловсруулахыг Путин үүрэгджээ.

Г.Бямбасүрэн