АНУ-ын Виржиния мужийн Ричмонд хотод зургадугаар сарын зургааны өдөр Монро цэцэрлэгт хүрээлэнд сургууль төгсөгчдөд диплом гардуулах ёслолын арга хэмжээний үеэр зэвсэглэсэн эр хүмүүс рүү гал нээжээ. 

Диплом гардуулах ёслолд цугласан олон руу зэвсэгт этгээд гал нээсний улмаас хоёр хүн амиа алдаж, таван хүн  шархадсан байна. Мөн хэрэг үйлдсэн этгээд цэцэрлэгт хүрээлэнгээс зугтах үедээ машинаараа нэг хүүхдийг дайрчээ. Машинд дайруулсан хүүхэд эмнэлэгт эмчлүүлж байгаа гэнэ. 

Хотын цагдаагийн газрын мэдээлснээр, халдлага үйлдсэн этгээдийг баривчилсан. Хэрэгтэн 19 настай залуу байсан бөгөөд тэрбээр биедээ дөрвөн буу авч явсан байжээ. Түүний үйлдсэн хэргийн улмаас дипломоо гардан авахаар ирсэн байсан 18 настай төгсөгч, ёслолд оролцож байсан 36 настай эр амиа алдсан байна. 

Г.Бямбасүрэн