Исламын хувьсгалын харуулуудын корпус Ираны анхны дуунаас хэт хурдан пуужинг танилцуулжээ. Энэ талаар Ираны IRNA агентлаг дамжуулсан байна. 

Дуунаас хэт хурдан пуужин танилцуулах ёслолд Ираны Ерөнхийлөгч  Ибрахим Раиси, Исламын хувьсгалын харуулуудын корпусын тэргүүн Сардар Салами нар оролцжээ. Энэ пуужинг Агаарын цэргийн хүчний тэргүүн Амир Хажизаде танилцуулжээ. Түүний өгүүлснээр, энэ пуужин 1400 км зайд цохилт өгөх чадвартай, "дайсны агаараас эсэргүүцэн хамгаалах системд бараг өртөхгүй" гэнэ. 

Иран ийнхүү дуунаас хэт хурдан пуужин бүтээснээр энэ төрлийн зэвсэгтэй дэлхийн дөрөв дэх орон болж байна. Орос, Хятад дуунаас хэт хурдан пуужинтай, харин  Америк  энэ төрлийн зэвсгийг туршиж байгаа юм. Энэ оны хоёрдугаар сард Хятад улс DG-27 дуунаас хэт хурдан пуужин туршиж, пуужин 12 минутад 2,1 мянган км замыг туулсан. Хятадын DF-27 пуужин цөмийн төдийгүй энгийн цэнэгт хошуу тээвэрлэх чадвартай тул стратегийн төдийгүй тактикийн зэвсэгт тооцогдож болно. Харин Оросын "Кинжал" дуунаас хэт хурдан пуужин хэдийнэ зэвсэглэлд нэвтэрсэн, одоо Украины дайнд ашиглагдаж байгаа аж. 

Г.Бямбасүрэн