Дэлхий даяар тамхийг хориглох хугацааг тогтоож, аюул багатай хувилбарт шилжих явцыг эхлүүлэх ёстой гэж Америкийн Philip Morris тамхины компанийн захирал Яцек Ольчак өгүүлжээ. Тэрбээр Daily Mail сонинд ярилцлага өгөх үеэрээ ийм санал дэвшүүлсэн байна. 

PMI компанийн захирлын онцолсноор, Их Британийн эрх баригчид автомашин үйлдвэрлэлийн салбарт зохицуулалт хийж, бензин хөдөлгүүртэй машин үйлдвэрлэхийг хориглох хугацаа тогтоосны адилаар тамхины салбарт ч хориг тавих хугацааг тодорхойлж болох гэнэ.  Ольчак өөрөө 20 жил тамхи татсан ч энэ хорт зуршлаасаа салж чадахгүй байгаа аж. Гэхдээ л одоо тамхи "музейд очихоор хуучирсан эд" гэж тэрбээр өгүүлжээ. 

Түүнчлэн хор багатай тамхин бүтээгдэхүүн үйлдвэрлэж буй компаниудад дэмжлэг үзүүлэх ёстой гэж Philip Morris International компанийн захирал Ольчак үзэж байгаа аж. Мөн хор багатай, тамхийг орлуулах бүтээгдэхүүний талаарх хуурамч мэдээллүүд нь тамхидалтын асуудлыг улам гүнзгийрүүлж байна, өнөөдрийн байдлаар Швед, Япон улс тамхийг орлуулах бүтээгдэхүүнд амжилттай шилжиж, үлгэр жишээ орнууд болж байна хэмээн Ольчак өгүүлжээ. 

Г.Бямбасүрэн