Хятадын мэргэжилнтүүд Шинжаан дахь Таримын сав газрын элсэн цөлд 11 км гүн цооног ухах ажлыг зургадугаар сарын зургааны өдөр эхлүүлжээ. Энэ талаар Синхуа агентлаг мэдээлсэн байна. 

Эх сурвалжийн мэдээлснээр,цооног нь эх газрын 10 гаруй давхарга буюу чулуулгийн давхаргыг нэвтлэн, 145 сая жилийн өмнөх чулуулаг бүхий дэлхийн царцдасын цэрдийн галавын системд хүрэх аж. Энэ цооног дэлхийн дотоод бүтэц болон хувьслыг судлах боломжийг Хятадын эрдэмтдэд олгохын дээр геолог-геофизикийн судалгааны мэдээллийг өгнө гэж төслийг хэрэгжүүлж байгаа Хятадын үндэсний газрын тосны корпораци мэдэгджээ. 

Цооног өрөмдөх ажлыг 457 өдөрт багтаан гүйцэтгэхээр төлөвлөж байгаа бөгөөд говь цөлд ийм өрөмдлөг хийж байгаа тул туйлын хүнд нөхцөлд ажиллаж байгааг мэргэжилтнүүд онцолжээ. 

Г.Бямбасүрэн