ОХУ Украинтай хийсэн дайндаа хэдийнэ ялагдсан, дэлхий даяар энэ чиг хандлага хэдийнэ ойлгомжтой болсон ч Оросын эрх баригчид бодит байдлыг үгүйсгэсээр байна гэж Украины Ерөнхийлөгч Зеленский мэдэгджээ.

Түүний өгүүлснээр, Кремль дэлхий дахиныг хуурч, хоригоос зайлсхийж, илүү их зэвсэг үйлдвэрлэхээр хичээсээр байгаа гэнэ. ОХУ-ын эрх баригчид Украины эсрэг түрэмгийлэлд хүмүүс болон хүч хөрөнгөө дэмий үрж байна гэж Зеленский онцолжээ. 

Мөн Украин болон олон улсын түншүүд нь Оросын цэргийн нөөцийг улам хязгаарлахад туслах шийдлүүдийг олно гэж Зеленский мэдэгдсэн байна. 

"Алан хядагч улсыг хоригоос зайлсхийхэд нь алиава байдлаар туслаж байгаа орон бүр, зэвсэг, тоног төхөөрөмжийн хангамжид зориулан Орост ашиглагдаж буй орон бүр чөлөөт ертөнцийн бүрэн хүч чадлыг мэдрэх ёстой. Бид ийм эрх чөлөөг өгнө" хэмээн Зеленский мэдэгджээ.

Түүнчлэн тэрбээр даваа гарагт хийсэн энэхүү мэдэгдлийнхээ үеэр зургадугаар сарын тавны өдөр Киевт Их Британийн Гадаад хэргийн сайд Жеймс Клеверли айлчилсан гэдгийг ард түмэндээ дуулгаад, Украинд дэмжлэг үзүүлсэн, тэр дундааи тэргүүн шугамд ихээхэн үр дүнтэй байгаа Storm Shadow пуужин өгснийх нь төлөө Британид талархаж байгаагаа илэрхийлсэн байна.

Г.Бямбасүрэн