Испанийн Аликанте хотод гуйлгаар амьдардаг нэгэн эмэгтэй сугалаа авч, улмаар 1,2 сая евро хожсон талаар Newsweek мэдээлжээ.
Эх сурвалжийн мэдээлснээр, эмэгтэй өдөр бүр банк болон супермаркетын өмнө таван цаг сууж, гуйлга гуйдаг байсан бөгөөд заримдаа тамхины дэлгүүр рүү орон, олсон мөнгөөрөө сугалаа авдаг байжээ. Энэ дадлаараа худалдан авсан сугалаа нь түүнд асар их хонжвор авчирсан байна.
Асар их мөнгө хожсон эмэгтэйн нэрийг зарлаагүй. Харин сугалаа зарсан тамхины дэлгүүрийн эзэн тухайн эмэгтэйг цыган хэмээн ярьжээ.
"Тэр өчигдөр ирээд, бүх асуудлаа шийдсэн гэж хэлсэн. Хүрээллийнхэн нь бүгд л хайрладаг байсан тэр хүнийг бид аз жаргалтай болголоо. Тэр өр, санхүүгийн асуудалтай байсан юм" хэмээн дэлгүүрийн эзэн сэтгүүлчид ярьжээ.
Өмнө нь энэ дэлгүүрээс сугалаа авч байсан хүмүүст ийм өндөр хонжвор таарч байгаагүй хэмээн дэлгүүрийн эзэн ярьсан байна.
Г.Бямбасүрэн
Уншиж байна |