Манай улсад Омикроны BА, BA5 хувилбар бүртгэгдэж, нийт халдварын 10 орчим хувийг эзэлж байна .

Сүүлийн нэг сарын хугацаанд Омикроны ВА4, ВА5 хувилбараар өвчилсөн нэг хүн нас баржээ.

Иймд ЭМЯ-аас халдвар хамгааллын дэглэмээ сайтар сахиж, дархлаажуулалтын нэмэлт тунд идэвхтэй хамрагдахыг хэвлэл мэдээллийн хэрэгслээр дамжуулан иргэдэд уриалж буй.

ЭМЯ-аас өгч буй сэрэмжлүүлэг болон уриалга иргэдэд хэр хүрч байгааг тодруулахаар өнгөрөгч баасан гараг буюу долоодугаар сарын 22-ний өдөр Сүхбаатарын талбайд байрлах дархлаажуулалтын цэгийг зорилоо.

Өглөөний 09:00 цагаас эхлэн ажиллаж буй тус цэгт 13:00 цагт очиход хоёр цагдаагийн алба хаагч, хоёр өндөр настан нийлээд дөрвөн иргэн дархлаажуулалтын вакцинд хамрагдсан гэх мэдээллийг өглөө.

Харин нийслэлийн хэмжээнд хэчнээн иргэн дархлаажуулалтын нэмэлт тунд хамрагдаж байгаа талаар ЭМЯ-аас тодруулахад “ Уриалга, сэрэмжлүүлэг гаргаснаас хойш иргэдийн тоо өссөн үзүүлэлт байхгүй.

Нийслэлийн хэмжээнд өдөрт дунджаар 150 гаруй, хамгийн ихдээ 200 гаруй иргэн дархлаажуулалтын нэмэлт тунд хамрагдаж байгаа.

Мөн нэг, хоёрдугаар тунтай иргэдийг дархлаажуулалтын нэмэлт тунд идэвхтэй хамрагдахыг иргэдэд уриалж байна.

Учир нь вакцины нэг тун нь дунджаар зургаан сарын хугацаанд л хүний дархлааг дэмждэг, энэ хугацааны дараа тухайн хүний дархлаа унаж эхэлдэг” гэсэн хариултыг өглөө.