Автобусны шахаа тойрсон авлигын асуудал буюу Хятадын цахилгаан автобусны цаана нуугдаж буй асуудлаар Үндэсний аж үйлдвэрийн зөвлөлөөс мэдээлэл хийсэн юм. Энэ үеэр тээврийн хэрэгсэл үйлдвэрлэгчид байр сууриа  илэрхийлэв. 

Тэд "Монголчууд дотооддоо автобус үйлдвэрлэж чадна. Үүний тод жишээ нь 300 тээврийн хэрэгслийг Монголд угсарч үйлдвэрлэсэн. Нийслэл хотод үйлчилж буй троллейбуснууд 100 хувь Монгол инженерүүдийн  эх орондоо угсарч үйлдвэрлэсэн хэрэгсэл 

Бид бүрэн цахилгаан автобус гаргасан. Хоёр жил гаруй туршилт, жигдрүүлэх ажлыг Зам тээврийн яамтай хамтраад амжилттай туршигдаж Монголд явж болох нь батлагдсан юм. Нийтийн тээвэрт "Ч1:Офицеруудын ордон-Таван шар" чиглэлд үйлчилдэг. Энэ автобус нь 194 мянган долларын өртгөөр бүтсэн. Гэтэл дотоодоосоо биш Хятад улсаас автобус авахаар үнийн судалгааг нь хийж байна. Бидний үйлдвэрлэж буй тээврээс 40-100 мянган доллараар илүү үнэтэйг авах гэнэ. Хятадын хөгжлийн банкны зээлээр авах гэж байгаа. Түүнийг Монголчуудын татварын мөнгөөр төлнө. Яг л дотоодод үйлдвэрлэсэн автобусны адил 12 жил нийтийн тээвэрт яваад актлагдана. Түүний дараа Монголд төмрийн хог болж хоцорно.

Монголчууд эх орондоо угсарч үйлдвэрлэх юм бол энэ их мөнгөний урсгал дотооддоо үлдэж Монголчууд ажлын байртай болно.  Нийслэлийн Засаг даргын Зам тээвэр хариуцсан орлогч Б.Отгонсүх, УИХ-ын гишүүн Д.Сумъяабаяар, С.Амарсайхан нарыг авилгатай тэмцэх газар өгч байгаа. Монголчуудын ажлын байрыг булаан Хятад улсаас тээврийн хэрэгсэл оруулж ирэх ажлын ард эдгээр хүн бий.1200 автобус Хятад улсаас авахад Монгол улсын нэг их наяд төгрөгийн өрөнд орно. Ерөнхий сайд аа таны доод албан тушаалтнууд таны үгэнд орохгүй байна. Үүнд хяналт тавиач гэж хандаж хэлье" гэлээ.

Э.Үүрийнцолмон