ШӨХТГ-аас ШТС-уудад хийсэн шалгалтын дүнг танилцууллаа.

ШӨХТГ-аас 2020 оны таваас есдүгээр сарын хооронд хийсэн хяналт шалгалтын үр дүнг танилцуулах, холбогдох арга хэмжээг авах зорилготой уулзалтаа боллоо. Энэ  үеэр ШӨХТГ-ын өрсөлдөөний бодлого, зохицуулалтын газрын дарга Т.Батцэцэг мэдэгдэл хийсэн юм. Тэрээр:

-ШӨХТГ-аас шатахууны бөөний болон жижиглэнгийн худалдаа эрхлэгч  аж ахуй эрхлэгчдийн ажилд энэ оны дөрөвдүгээр сарын 20-ны өдөр хяналт шалгалт хийсэн. Тус шалгалтад ШӨХТГ-аас ахлан МХЕГ, Ашигт малтмал газрын тосны газар, стандарт хэмжил зүйн газартай хамтран хяналтыг хийсэн. Нэгдүгээрт, Улаанбаатар хотод ажил явуулж буй 19 аж ахуй эрхлэгчийн шатахуун түгээхийн ажлыг түүвэрлэн шалгахад шатахууны шахалтын хэмжээ марк дугаар зөрөөгүй, битүүмжлэл хөндөгдөөгүй, гэрчилгээний зөрчилгүй, түгээгүүрийн шахалт зөвшөөрөгдөх хэмжээнд байлаа.

Хоёрдугаарт, 20 аж ахуй эрхлэгчийн дөрвөн агуулах 19 шатахуун түгээх станцаас түүвэрлэн авто бензиний 22 дээж, дизель түлшний 10 дээжийг тус тус авч нууц дугаараар кодлон ашигт малтмал газрын тосны газрын уул уурхай газрын тосны төв лабораторид шинжлүүлсэн.

Гуравдугаарт, Засгийн газрын тавдугаар сарын 13-ны өдрийн хуралдаанаар хяналт шалгалтын явцын талаар танилцуулсан. Монгол Улсад импортоор оруулж ирж буй авто бензин, дизель түлшийг гааль дээрээс дээж авч шинжилгээнд өгсөн.

Дөрөвдүгээрт, Улаанбаатар хотод ажлаа явуулдаг шатахуун түгээхээс авсан бензинд хийсэн шинжилгээний дүнг танилцуулбал 22 дээжээс 12- 14 үзүүлэлтээр шинжилсэн юм. 10 үзүүлэлт нь хөдөлгүүрийн түлш, бензин, зэрэг нь стандартын шаардлагыг хангасан.   Энэ шинжилгээг ашигт малтмал газрын тосны лабораторид шинжлүүлсэн" гэлээ. 

Э.Үүрийнцолмон