Зургаа дахь удаагийн “Qatar Cup” Дэлхийн цомын тэмцээнд манай улсаас нэг эрэгтэй, хоёр эмэгтэй тамирчин оролцож байгаа бөгөөд өчигдөр 2019 оны Монгол Улсын шилдэг тамирчин М.Анхцэцэг 76 кг-ийн жинд хүрэл мeдаль хүртлээ.

ДАШТ-ий хошой хүрэл медальт, ОУХМ тэрбээр огцом өргөлтөөр 102 кг, түлхэлттэй өргөлтөөр 124 кг, нийлбэр дүнгээр 226 кг өргөсөн амжилтаар гурван хүрэл медаль авчээ. “Токио-2020” олимпийн наадмын оноо олгох тэмцээний нэг тус тэмцээн энэ сарын 19-24-нд Катарын Доха хотноо болж буй бөгөөд манай өнөөдөр эмэгтэйчүүдийн 87 кг-ийн жинд ОУХМ Э.Билэгсайхан өрсөлдөнө.

М.Бүүвэй