МАН-ын Удирдах зөвлөл хуралдаж, Засгийн газрыг огцруулах шаардлагагүй хэмээн үзжээ. Амжилттай байгаа том төслүүдийг үргэлжлүүлэн явуулах, ирэх сонгуулийг бодолцож үзэн, Засгийн газрыг тогтвортой ажиллуулах ёстой гэсэн шийдвэрийг гаргаж, УИХ дахь МАН-ын бүлэгт чиглэл өгчээ.

Харин энэ шийдвэрийг эсэргүүцсэн болон хэрэгжүүлээгүй гишүүдэд улс төрийн хариуцлага тооцох сануулгыг Удирдах зөвлөлийн тогтоолд тусгажээ. Тэгвэл Засгийн газрыг огцруулахаар гарын үсэг зурсан 27 гишүүн намын дүрмийн дагуу хариуцлага хүлээх үү. 

МАН-ын дарга, Ерөнхий сайд У.Хүрэлсүх өнгөрсөн баасан гаригт мэдээлэл хийхдээ намын гишүүдэд хариуцлага тооцох асуудал одоогоор яригдаагүй хэмээн мэдэгдэж байсан. Харин өнөөдөр гаргасан Удирдах зөвлөлийн тогтоолд хариуцлагыг хатуу ярина хэмээн тодотгожээ.

Б.Учрал