Кардашианы реалити шоу 10 нас хүрчээ
“Кардашианыхантай хамт” реалити шоу хэдийнэ үзэгчдийн хүртээл болоод арван жил болсон талаар “www.dailymail.co.uk” сайт мэдээллээ.
2007 оны энэ өдөр тус реалити шоу эхний ангиа цацсан байна. Зураглаачид Кардашианы эгч, дүүсийг 24 цаг дагаж, тэдний алхам тутмыг дэлгэцнээ гаргадагаараа тус шоу бусад шоу нэвтрүүлэгээс илүү алдартай билээ.
Өдгөө тус шоуны хамгийн бяцхан оролцогчид болох Кендал Женнер хэдийнэ олон улсад танигдсан супермодель болсон бол түүний дүү Кулиа Женнер өөрийн гоо сайхны бүтээгдэхүүнээ амжилттай борлуулж буй залуу бизнес эрхлэгч болоод байна.
Тус шоуны гол дүр болох Ким Кардашиан өнгөрсөн 2013 онд реппер Кейни Уэсттэй гэр бүл болж, хоёр ч хүүхдийн эцэг, эх болжээ.
Кардашиан шоуныхаа арван жилийн ойг сүр дуулиантай тэмдэглэхээр төлөвлөж буйгаа өчигдөр 100 сая дагагчтай инстаграм хуудсаараа дамжуулан олон нийтэд мэдэгдэв.
Б.Дэлгэрцэцэг
СЭТГЭГДЭЛ БИЧИХ