ЭХЭМҮТ-ийн Эрүү нүүрний мэс заслын эмч нарын баг Тайваны хүүхдийн эрүүл мэндийг дэмжих сангийн санхүүжилтээр Завхан аймгийн Нэгдсэн эмнэлэгт энэ сарын 18-25-ны өдрүүдэд ажилласан байна. Алслагдсан бүс нутгийн эрүүл мэндийн тусламж үйлчилгээг сайжруулах, орон нутагт ажиллаж буй мэс заслын эмч нарын ур чадварыг дээшлүүлэх, уруул тагнайн сэтэрхий эмгэгтэй өвчтнүүдэд мэс засал, хэл засал, гажиг заслын нарийн мэргэжлийн эмнэлгийн тусламж үзүүлжээ.
Й
Тус багийн гишүүдийг аймгийн засаг даргын орлогч Ч.Пунцаг хүлээн авч хагалгаа хийлгэсэн хүүхдүүд, тэдний эцэг эх, иргэдийнхээ зүгээс талархал илэрхийлсэн аж. Энэ үеэр ЭХЭМҮТ-ийн гажиг заслын эмч н.Эрдэнэсайхныг аймгийн хүндэт тэмдэгээр шагнаж, багийн бүх гишүүдэд Завхан аймгийн түүх номыг дурсгажээ.
Й
Монголын Уруул тагнайн нийгэмлэг нь уруул тагнайн сэтэрхий эмгэгтэй эцэг эхийн салбар зөвлөлийг Завхан аймагт байгуулж хамтран ажиллахаар болсон байна. Эмч нарын баг өвчтнүүдэд мэс засал эмчилгээг хийхийн зэрэгцээ хэл яриа, гажиг заслын эмчилгээг хийж, орон нутагт ажиллах эмч эмнэлгийн мэргэжилтнүүд, эцэг эхчүүдэд энэ эмгэгийн талаарх сургалт зохион байгуулжээ.
й
Э.Насан
| Уншиж байна |