Эрүүл мэндийн сайд Н.Удвал өнөөдөр “ХДХВ/ДОХ, БЗДХ-аас сэргийлэх Үндэсний стратеги төлөвлөгөө”-ний хэрэгжилтийн дунд хугацааны үнэлгээг хийн Монгол улсад ажиллах олон улсын зөвлөхүүдийн багийг хүлээн авч уулзжээ. ХДХВ/ДОХ, БЗДХ-аас сэргийлэх чиглэлээр 2010-2015 онд хэрэгжүүлэх үйл ажиллагааны Уулзалтын эхэнд тус Багийн ахлагч, Тайланд улсын Махидолын Их Сургуулийн Эрүүл мэндийн бодлого, удирдлагын Төвийн захирал, ДЭМБ-ын Монгол улс дахь суурин төлөөлөгч асан Др. Виват Рожанапитаякорн Сайдад хандан хүлээн авч уулзаж байгаад талархал илэрхийлээд үнэлгээний багийн гишүүд болон хийх ажлынхаа талаар танилцуулсан байна. Сайд Н.Удвал хариу талархал илэрхийлээд “Монгол улс хэдийгээр ХДХВ-ийн тархалт багатай ч эрсдэлт бүлгийн хүн амын дунд халдварын тархалт сүүлийн жилүүдэд эрчимтэй нэмэгдэж байгаа. БЗДХ-ын тархалт нийт хүн амын дунд тууштай буурахгүй нэмэгдэх хандлагатай байгаа энэ үед үнэлгээ хийж байгаа нь цаг үеэ олсон чухал ажил болж байгаа” хэмээн онцлов. Түүнчлэн энэ удаагийн үнэлгээний баг ХДХВ/ДОХ, БЗДХ-ын чиглэлээр арвин туршлагатай, нарийн мэргэшсэн, өргөн бүрэлдэхүүнтэйн дээр багийн ахлагч Др.Виват Монгол улсыг, ХДХВ, БЗДХ-ын тархалтын өнөөгийн нөхцөл байдлыг маш сайн мэдэх туршлагатай хүн тул үнэлгээний багаас өндөр үр дүн, бодлогын томоохон зөвлөмжүүдийг гаргана хэмээн найдаж байгаагаа илэрхийлэв гэж Эрүүл мэндийн яамнаас мэдээллээ. Б.Аянга