АТГ-ын даргаар 2019 онд томилогдож байсан З.Дашдавааг дахин зургаан жилээр улираан томилох улс төрийн шийдвэр өчигдөр гарч, түүнийг УИХ-ын гишүүдийн 70 гаруй хувь нь дэмжив. Дэмжих шалтгаантай гишүүд ч төрийн ордонд хэд хэд бий.

Монгол Улсын Ерөнхий сайд Л.Оюун-Эрдэнэ уржигдар /2024.04.02/ УИХ-дахь намын бүлгүүдийн хуралд оролцож, З.Дашдавааг дэмжих чиглэл өгөв.

Нөгөө талдаа З.Дашдаваа дээр авлигад холбогдсон хэрэг нь боогдчихсон гишүүд ‘’Ахаа намайг бодоорой’’ болов. Л.Оюун-Эрдэнэтэй тэрсэлдээд байхгүй бол ирэх зургаан жилдээ АТГ-ын хаалгыг онголзуулаад байхааргүй, айдгаа ардаа хийцгээв.

АТГ-т хэдэнтээ дуудагдаж байсан АН-ын гишүүд...

Х.БАТТУЛГА: АТГ-аас нүүрсний гэх тодотголтой хэрэгт холбогдсон 31 албан тушаалтны нэрийг зарлаж байв. Тэдгээрийн нэг нь УИХ-ын гишүүн Х.Баттулга. Түүний хувьд эл хэрэгт яллагдагчаар татагдан шалгагдаж байв.

Ө.ШИЖИР: АТГ-аас нүүрсний тодотголй хэрэгт холбоотой хүмүүсийн нэрсийг зарлаж байв. Тэдгээрийн дунд УИХ-ын гишүүн Ө.Шижирийн нэр багтаж байсан юм.

Р.СЭДДОРЖ: Нүүрсний гэх тодотголтой хэрэгт холбогдон шалгагдаж байсан нэгэн. Түүний хувьд 2013-2020 оны хооронд “Тавантолгой” ХК-д удирдах албан тушаал хашиж байсан бөгөөд эл эрх мэдэл, албан тушаалаа ашигласан гэх асуудалд нэр холбогдсон байдаг.

Б.БЕЙСЕН: УИХ-ын гишүүн Б.Бейсен Баян-Өлгий аймгийн Нэгдсэн эмнэлгийн даргаар ажиллаж байхдаа хахууль өгөгчийн ашиг сонирхлын үүднээс гүйцэтгэх ёсгүй үйлдэл хийхийн тулд болон албаны чиг үүргээ хэрэгжүүлсний хариуд, хясан боогдуулах замаар иргэнээс хахууль авсан, албан үүрэг, бүрэн эрх, албан тушаалын байдлаа урвуулан ашиглаж иргэнд давуу байдал бий болгосон хэрэгт буруутгагдаж, АТГ-т шалгуулж байсан.

Л.ГАНТӨМӨР: Эдийн засаг, хөгжлийн сайд Л.Гантөмөрийг БЗС-ийн хэрэгт холбогдуулан АТГ-аас шалгаж байв.

Р.ЭРДЭНЭБҮРЭН: УИХ-ын гишүүн Р.Эрдэнэбүрэнг Барилга, хот байгуулалтын яамны Төрийн нарийн бичгийн даргын үүргийг түр орлон гүйцэтгэгчээр ажиллаж байхдаа өөрийн хамаарал бүхий этгээдийн нэр дээр "River garden" цогцолбор хотхоноос 1.1 тэрбум төгрөгийн үнэтэй 344.8 мкв талбай бүхий орон сууц худалдан авчээ. Энэ тухайгаа хөрөнгө орлогын мэдүүлэгтээ мэдүүлээгүй, хөрөнгийн эх үүсвэрээ тайлбарлаж чадаагүй хэмээн шалгасан байдаг. Улмаарр 2019 онд хоёр шатны шүүхээр түүнд холбогдох хэргийг цагаатгасан байдаг.

Ж.БАТСУУРЬ: Өнгөрөгч онд намуудын нэр дэвшилт явагдах үед түүний нэр тойрогт бус намын жагсаалтаар орж ирсэн. Үүнийг нь түүнийг АТГ-д шалгагдаж буйтай холбоотой гэх мэдээлэл гарч байв.

АТГ-т дуудагдаж асан МАН-ын гишүүд...

ДАВ.ЦОГТБААТАР: УИХ-ын гишүүн Д.Цогтбаатар Хөгжлийн банкны хэлтсийн захирлаар ажиллаж байхдаа албан тушаалаа урвуулан ашигласан хэрэгт АТГ-аар шалгагдсан. Гурван шатны шүүхээс түүнийг гэм буруутайг тогтоосон. Одоо түүний гишүүний бүрэн эрхийн асуудал хөндөгдөж буй.

Х.ГАНХУЯГ: Хөгжлийн банкны хэрэгт холбогдон шалгагдаж байсан гишүүдийн нэг нь Х.Ганхуяг. УИХ-ын гишүүн Г.Амартүвшин Хөгжлийн банкны захирлаар ажиллаж байхдаа өгсөн зээлүүд дунд УИХ-ын гишүүн Г.Дамдинням, Х.Ганхуяг нарын хамаарал бүхий компани 33 тэрбум төгрөгийн зээл байсан юм. Үүнтэй холбоотойгоор тэднийг АТГ-аас эл хэрэгт холбогдуулан шалгасан ч өнгөрөгч онд хэргийг хэрэгсэхгүй болгож шийдвэрлэсэн байдаг.

Н.НАРАНБААТАР: Н.Наранбаатарыг нүүрсний тодотголтой хэргээр АТГ-д шалгагдаж, яллагдагчаар татагдаж байсан. Тэрээр “Тавантолгой” ХК-ийн ТУЗ-ийн даргаар таван жил, Өмнөговь аймгийн ИТХ-ын төлөөлөгчөөр дөрвөн жил, Засаг даргаар дөрвөн жил, Өмнөговь аймгийн МАН-ын даргаар таван жил тус тус ажилласан байдаг. Улмаар Улсын ерөнхий прокурор Б.Жаргалсайхан УИХ-ын гишүүн Н.Наранбаатарын бүрэн эрхийг түдгэлзүүлэхээр өнгөрсөн парламентад оруулж ирсэн ч намынхан нь хамгаалж үлдсэн байдаг.

МНН, МҮАН-ын “Үндэсний эвсэл

Н.НОМТОЙБАЯР: Н.Номтойбаярыг Хөдөлмөр нийгмийн хамгааллын сайдаар ажиллаж байхдаа эрх мэдэл, албан тушаалын байдлаа урвуулан ашигласан, худал мэдүүлэг өгсөн гэх үндэслэлээр шүүж, 5 жил 5 сарын хорих ял оноож байв. Улмаар эрүүгийн хэргийн хяналтын шатны шүүхээр хорих ялыг нэг жил болгон бууруулж байв.