Израйлын арми Газын зурвас дахь довтолгоогоо өргөжүүлэхээр боллоо. Израилын Ерөнхий сайд Биньямин Нетаньяху хэлэхдээ, "ХАМАС бүлэглэл гал зогсоох хэлэлцээрийн хугацааг сунгах, барьцаанд буй хүмүүсийг суллахаас татгалзсан тул довтолгоогоо үргэлжлүүлнэ" гэж мэдэгдсэн юм. Газын зурваст хийх довтолгоогоо өргөжүүлж буй Беньямин Нетаньяху барьцаалагдсан Израилчуудад цаазаар авах ял оноож байгаагаас ялгаагүй гэж Палестины хөдөлгөөний Улс төрийн товчооны гишүүн Иззат аль-Ришк мэдэгдээд байна. Израил, болон ХАМАС бүлэглэлийн эхний үе шат хэмээн тодорхойлсон 6 долоо хоногийн хугацаатай гал зогсоох хэлэлцээр гуравдугаар сарын 1-нд дуусгавар болсон юм.

Израил ХАМАС-ын гал зогсоох хэлэлцээ дууссанаар Газын зурваст нөхцөл байдал хүндэрч 1000 гаруй хүн амиа алдаад байна. Израйлын арми гал зогсоох хугацаа дууссан даруйд агаарын болон хуурай замын довтолгоогоо өргөжүүлж эхэлсэн бөгөөд Газын зурвас дахь үйлдвэр байгууламжууд цахилгаан нийлүүлэхээ зогсоож, хүмүүнлэгийн тусламж ачсан ачааны машинуудыг нэвтрүүлэхгүй хаагаад байна. Израилын арми хүмүүнлэгийн тусламжийг нэвтрүүлэхгүй байгаа тул Газын зурваст их өлсгөлөн тохиох аюул нүүрлэжээ.