Монгол Улсын Ерөнхий сайд Л.Оюун-Эрдэнэ АТГ-ын дарга З.Дашдавааг бүрэн эрхийнхээ хүрээнд улираан томилох шийдвэр гаргаснаа танилцуулж, сайд нарын саналыг сонсжээ.

З.Дашдаваагийн хувьд АТГ-ын даргаар 2019 оны тавдугаар сард томилогдсон бөгөөд түүний бүрэн эрхийн хугацаа ирэх тавдугаар сард дуусгавар болж буй. Үүнтэй холбоотойгоор түүнийг улираан томилох асуудал яригдаж байгаа бөгөөд Авлигын эсрэг хуулийн 21.4-д Авлигатай тэмцэх газрын дарга, дэд даргыг нэг удаа улируулан томилж болно хэмээн заасан байдаг. Түүнчлэн түүнийг улираан томилох эсэх асуудал өнөөдөр Хуульзүйн байнгын хорооны хуралдаанаар хэлэлцүүлэгдэх юм.