Гитарчин Д.Өлзий-Орших буюу Өөжгий UB Palace-ийг нураахаар болсон талаар өөрийн цахим хуудастаа мэдээлсэн. Тэгвэл өнгөрөгч нэгдүгээр сарын 17-нд газар эзэмших эрхийг бусдад шилжүүлжээ. Шинэ эзэмшигч нь  "Хурд стандарт" ХХК. Харин уг компанийн ард УИХ-ын гишүүн, Эрчим хүчний сайд Б.Чойжилсүрэн бий. ''Хурд стандарт'' ХХК нь түүний ''Хурд'' группийн охин компаниудын нэг. 

УИХ-ын гишүүн Б.Чойжилсүрэн ч өөрийн хөрөнгө орлогын мэдүүлэгтээ уг компаниа тогтмол мэдүүлж иржээ.

УИХ-ын гишүүн Б.Чойжилсүрэн Ub palace-ийг нурааж, оронд нь орон сууцны хороолол, худалдааны төв, офиссын барилгын аль нэгийг барихаар охин компанийнхаа нэр дээр бүртгүүлсэн байж магадгүй. Одоогоор Хот байгуулалт, хотын стандартын газрын нээлттэй сангийн мэдээлэлд тус хэсгийн газар дээр шинэ барилга барих тухай архитектур төлөвлөлтийн даалгавар батлагдаагүй байна. 

УБ палас болон тус барилгын урд талбай зэрэг нь хүн амын нягтаршил хэтэрсэн, барилга шинээр барихыг хориглсон бүс. Гэсэн ч Б.Чойжилсүрэн энэ газар дээр барилга барих бололтой.