Өнгөрсөн гуравдугаар сарын 27-нд сагсан бөмбөгийн 3х3 төрлийн насанд хүрэгчдийн долоо дахь удаагийн Азийн аварга шалгаруулах тэмцээн Сингапурт эхэлсэн. Тус тэмцээнд Монгол Улсын шигшээ багууд амжилттай оролцож, түүхэндээ анх удаа хос хүрэл медаль хүртээд байна. Баг тамирчид медаль авна гэсэн зорилготой явсан бөгөөд ийнхүү зорилгоо биелүүлжээ. 

Тодруулал, Монголын эрэгтэй шигшээ баг хагас шигшээд үлдэж, хүрэл медалийн төлөө Шинэ Зеландын шигшээ багийг 21-18 харьцаагаар хожиж хүрэл медаль хүртсэн бол, эмэгтэй шигшээ баг шилдэг дөрөвт үлдэж, Тайванийн шигшээ багийг 17-10 харьцаагаар хожиж хүрэл медаль хүртсэн юм.