Монгол Улсын Ерөнхийлөгчийн зарлигаар Үндэсний эрх чөлөө, тусгаар тогтнолоо мандуулсны 112 жилийн ойг тохиолдуулан эрхэлсэн ажилдаа амжилт гаргасан хүмүүст төрийн одон медаль гардууллаа.  

Энэ үеэр “Ханжоу 2022” Азийн наадмын байт харвааны төрлийн аваргын алтан медальт, 2023 оны шилдгийн шилдэг тамирчин “Бөртэ Чоно” шилжин явах цомын эзэн ОУХМ Баатархуягийн Отгонболд “Алтан гадас” одонгоор энгэрээ мялаалаа. Мөн түүний хувьд 2023 оны шилдгийн шилдэг тамирчин болсон юм.