БНАСАУ-ын удирдагч Ким Жон Ун АНУ-ын "хэтийдсэн үйлдэл"-ийн улмаас дайнд бэлтгэх хүчин чармайлтаа нэмэгдүүлэх ёстой гэж мэдэгджээ. Энэ талаар Солонгосын цахим мэдээллийн агентлаг дамжуулсан байна. 

Эх сурвалжийн мэдээлснээр, Ким Жон Ун Солонгосын Хөдөлмөрийн намын төв хорооны хурал дээр үг хэлж, Ардын арми, батлан хамгаалахын үйлдвэрлэл, цөмийн зэвсэг, иргэний хамгаалалтын салбар дайнд бэлтгэх ажлаа цаашид түргэсгэх ёстой гэж мэдэгджээ. Ийм зорилго тавих болсон нь "АНУ болон түүнаий дагуул орнуудын хэтийдсэн үйлдэл хил хязгаарыг давсны улмаас Солонгосын хойг цэрэг улс төрийн ноцтой нөхцөл байдал үүссэн"-тэй холбоотой гэж Ким Жон Ун онцолсон байна. 

Үүний зэрэгцээ "империалистуудын эсрэг байр суурьтай, бие даасан орнууд"-тай стратегийн хамтын ажиллагааг өргөжүүлэн хөгжүүлж, дэлхий дээр гарч буй өөрчлөлтийн хариуд "империалистын эсрэг хамтын үйл ажиллагаа, хамтын тэмцлийг баатарлагаар явуулна" хэмээн Ким Жон Ун мэдэгджээ.

Г.Бямбасүрэн