АН-аас УИХ-ын гишүүн Ж.Сүхбаатарт "ногоон автобусны" хэргээр хариуцлага тооцохыг шаардаж жагсаал хийж байна. 

АН-ын төлөөллүүд: Олон нийтийн дунд маргаан дагуулаад байгаа ногоон автобусны асуудал нийгэмд маш том цочроо болсон. Бид мафжсан тогтолцооны авлигалын пирамидын нуралтын гэрч болж байна. Төр оролцож байж асуудал мафийн шинждээ ордог. 

Сүүлийн арав хүрэхгүй хоногт монголчууд, нийгмийн сүлжээ зөвхөн ногоон автобус тойрч эргэлдлээ. Бас хангалттай шүүмж, хэлэлцүүлэг өрнүүллээ. Нэг бүрийг нь 400 гаруй сая төгрөгөөр оруулж ирсэн буюу нийт дүнгээрээ нэлээн хэдэн тэрбумаар хэмжигдэх худалдан авалтаар хулхидсан нь тун хариуцлагагүй, ёс зүйгүй үйлдэл мөн.

Нийтийн тээвэртэй холбоотой авлигын мөсөн уул нурах төдийд ингэж хүний аминд хүрэх дээрээ тулж байгаа бол үүний цаана бүр “том” зүйл байгааг харуулж байж ч мэдэхээр. Түгжрэлийг бууруулах төсөл хариуцсан бас нэг дарга нь гэнэт баяжиж Зайсан руу нүүж суусан гэх мэдээлэл ч бий. Энэ бүхнийг хууль хяналтын байгууллага эцэслэх биз ээ. Харин ажил хариуцсан дарга нар нь албан тушаалаа өгч, хамаг буруугаа гадны компани, хувийн хэвшил рүү чихээд өнгөрч боломгүй.

МАН долоон жил төр барихдаа ард түмнээ мөнгө угаах хэрэгсэл болгосон. Нэг иргэнд 33 сая төгрөгийн өр ногддог болсон. Адаг сүүлд нь амьдарч байгаа бүсээр нь ялгаварлан хоёр хувааж, нэг иргэн 27500 төгрөгийн татвар төлж байж, хотын төв рүү зорчих эрхтэй болох асуудал яригдаж байна. Улаанбаатар хотын захирагчийн ажлаа аваад хэдхэн хонож байж, ард түмнийг мөлжих шийдэл гаргаж байгаа Х.Нямбаатарыг мөн огцрохыг шаардаж байна гэлээ. Тийм учраас УИХ-ын гишүүн Ж.Сүхбаатарт хариуцлага тооцож, албан тушаалаас нь бүр мөсөн огцруулахыг шаардаж байна" гэв.